Россия Премьер Лигаси чемпионат 2019/20 йилги мавсумининг энг яхши футболчиси ва энг яхши ёш ўйинчи номига даъвогарлар рўйхатини эълон қилди.
«Ростов» клубида тўп сураётган ўзбекистонлик футболчи Элдор Шомуродов йил ўйинчиси номига даъвогарлар сафидан ўрин олди.
РПЛ 2019/20 йилги мавсумининг энг яхши ўйинчиси номига даъвогарлар:
Артём Дзюба, Сардор Азмун, Вилмар Барриос, Дуглас Сантос (барчаси — «Зенит»), Гжегож Криховяк, Алексей Миранчук (иккиси – «Локомотив»), Никола Влашич (ЦСКА), Элдор Шомуродов («Ростов»), Евгений Луценко («Арсенал»), Даниил Фомин («Уфа»), Александр Соболев («Крилья Советов»/«Спартак»), Эрик Бикфалви («Урал»).
Шунингдек, РПЛ мавсумнинг энг яхши ёш ўйинчиси бўлишга номзодларни ҳам эълон қилди. Ундан «Уфа» ярим ҳимоячиси Остон Ўрунов ҳам ўрин олди.
Номзодлар билан танишинг: Фёдор Чалов, Иван Обляков, Кристиян Бистрович, Игор Дивеев (барчаси – ЦСКА), Магомед-Шапи Сулейманов, Матвей Сафонов, Даниил Уткин (барчаси – «Краснодар»), Даниил Лесовой («Арсенал»), Александр Максименко («Спартак»), Максим Глушенков («Крилья Советов»), Хвича Кварацхелия («Рубин»), Остон Ўрунов («Уфа»).
Маълумот учун, Шомуродов жорий мавсум РПЛда 28 ўйин ўтказиб, 11 гол ва еттита голли узатмага муаллифлик қилди.
Февраль ойида «Уфа» сафига келиб қўшилган Ўрунов эса ўнта ўйинда иштирок этди ва бир неча бор учрашувнинг энг яхши ўйинчиси сифатида эътироф этилди.
Тақдирлаш маросими 1 август, шанба куни бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)