Чемпионлар Лигасининг 1/8 финалидан ўрин олган «Барселона» ва «Наполи» жамоалари ўртасидаги жавоб учрашуви нейтрал майдонда ўтказилиши мумкин.
RАC1 хабарига кўра, УЕФА учрашувни Португалияга кўчирмоқчи. Боиси ташкилот Каталониядаги эпидемиологик вазиятдан хавотирда.
Ташкилот коронавирус билан боғлиқ вазият сабаб маҳаллий соғлиқни сақлаш департаментига сўров юборган. Агарда департамент беллашувни ўтказиш футболчиларга хавф туғдиради деган хулосага келса, учрашув бошқа ҳудудга кўчирилади.
Таъкидланишича, учрашувнинг қаерда бўлиб ўтиши борасидаги якуний қарор ушбу ҳафта охиригача қабул қилинади.
Эслатиб ўтамиз, «Барселона» — «Наполи» ўйини 8 август санасига белгиланган. Томонларнинг Неаполда бўлиб ўтган илк тўқнашувида 1:1 ҳисобидаги дуранг қайд этилган.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)