«Манчестер Сити» ярим ҳимоячиси Кевин де Брюйне Профессионал футболчилар ассоциацияси (PFA) талқинига кўра, Англия Премьер Лигасининг энг яхши футболчиси деб топилди.
Таъкидланишича, сўровномада 2019/20 йилги мавсумда Премьер Лигада тўп сурган 515 нафар ўйинчи ва 24 футбол мутахассиси овоз берган.
Унга кўра, биринчи ўринни Кевин де Брюйне эгаллади. 29 ёшли бельгиялик футболи умумий овозларнинг 45 фоизига эга чиққан. Иккинчи ва учинчи ўринлардан эса «Ливерпуль» ярим ҳимоячиси Жордан Ҳендерсон (27%) ва ҳужумчи Садио Мане (11%) жой олган.
Аввалроқ Жордан Ҳендерсон журналистлар талқинига кўра (ФWА), 2019/20 йилнинг энг яхши ўйинчиси деб топилганди.
Маълумот учун, мазкур мукофот (PFA) 1973/74 йилги мавсумдан бошлаб ҳар йили топшириб борилади. Ўтган йили ушбу совринни «Ливерпуль» ҳимоячиси Виржил ван Дейк қўлга киритганди.
Маълумот учун, де Брюйне Премьер Лиганинг 2019/20 йилги мавсумида 35 та ўйин ўтказиб, 13 та гол ва 20 та голли узатмага муаллифлик қилди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)