Молия вазирлиги томонидан «‘2020 йил учун Ўзбекистон Республикасининг Давлат бюджети тўғрисида’ги қонунига ўзгартиш ва қўшимчалар киритиш ҳақида»ги қонун лойиҳаси муҳокамага қўйилди.
Унга кўра, 2019 йил 9 декабрда қабул қилинган «2020 йил учун Ўзбекистон Республикасининг Давлат бюджети тўғрисида»ги қонунига ўзгартиш ва қўшимчалар киритилади.
16-модданинг (Ўзбекистон номидан ва унинг кафолати остида олинадиган ташқи қарзнинг чекланган ҳажмларини белгилаш) «4 миллиард АҚШ доллари» деган сўзлар «5 миллиард АҚШ доллари» деган сўзлар билан алмаштирилади.
Яъни, 2020 йил давомида Ўзбекистон номидан ёки унинг кафолати остида ташқи қарзни жалб этиш бўйича имзоланадиган янги шартномаларнинг чегараланган ҳажми 5 миллиард АҚШ доллари миқдорида белгиланиши кутиляпти.
3-илованинг (2020 йил учун давлат мақсадли жамғармалари ва Тикланиш ва тараққиёт жамғармасининг даромадлари прогнози ҳамда уларнинг харажатлари) II бўлими қуйидаги таҳрирда баён этилади:
Вазирлар Маҳкамаси:
- Ўзбекистон Тикланиш ва тараққиёт жамғармасининг даромадлари прогнозига ҳамда уларнинг харажатларига ушбу қонун талабларидан келиб чиққан ҳолда ўзгартишлар киритади;
- ушбу қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминлайди;
- ҳукумат қарорларини ушбу қонунга мувофиқлаштиради;
- давлат бошқаруви органларининг ушбу қонунга зид бўлган норматив-ҳуқуқий ҳужжатларини қайта кўриб чиқишлари ва бекор қилишларини таъминлайди.
Эслатиб ўтамиз, Ўзбекистон ҳукумати номидан ва унинг кафолати остида жалб қилинган қарз қолдиғи 2020 йил 1 апрель ҳолатига кўра, 18,2 миллиард доллар ёки ялпи ички маҳсулот (ЯИМ)га нисбатан 31,3 фоизни ташкил этмоқда.
Изоҳ (0)