«Толибон» террорчилик ҳаракати Қурбон ҳайити байрами муносабати билан уч кунга ўт очишни тўхтатганини маълум қилди. Ўзбекистон бу сулҳ эълон қилинганини олқишлади. Бу ҳақда Ташқи ишлар вазирлиги маълум қилди.
«Ушбу муборак кунларда ўт очишнинг тўхтатилиши афғонлараро тинчлик музокараларини бошлаш учун зарур шароит яратишига умид қиламиз.
Ўзбекистон барча афғон томонларини мамлакатнинг тинч келажаги йўлида ушбу эзгу мақсадга эришишда оқиллик ва конструктив ёндашув намойиш этишга чақиради», – дейилади ТИВ баёнотида.
Таъкидланишича, Ўзбекистон Афғонистон халқи билан дўстлик ва яхши қўшничилик муносабатларини янада мустаҳкамлаш, афғонлараро сиёсий жараённи ҳар жиҳатдан қўллаб-қувватлаш ҳамда тинч ва фаровон Афғонистон барпо этишда ҳар томонлама ёрдам кўрсатишда давом этади.
Изоҳ (0)