Қорақалпоғистон Республикаси Тахтакўпир тумани шифохонасининг 32 ёшли тез тиббий ёрдам ҳамшираси Алия Жиемуратова 28 июль куни коронавирусдан вафот этган. Бу ҳақда «Makan.uz» хабар берди.
Фото: «Makan.uz»
Ҳамширанинг коронавирусдан вафот этгани ҳақида унинг синглиси Бағийла Жиемуратова «Makan.uz»га маълум қилган.
Ҳамширанинг синглиси маълум қилишича, опаси оилали, бир нафар фарзанди бўлган. Ҳамширанинг жасади ўзи ишлаган шифохонадан чиқарилган ва ҳамкасблари томонидан дафн қилинган. Соғлиқни сақлаш вазирлиги ҳозирча мазкур ўлим ҳолати ҳақида хабар бермаган.
Эслатиб ўтамиз, шу пайтга қадар Қорақалпоғистонда икки нафар тиббиёт ходимининг коронавирусдан вафот этгани ҳақида расман хабар берилган. Улардан бири вафотидан сўнг «Жасорат» медали билан мукофотланган.
