Ярим ўрта вазн тоифасида ҳаракат қилувчи UFC жангчиси Ҳамзат Чимаев промоушеннинг икки вазнида чемпионликни қўлга киритган Конор Макгрегорни жангга чорлади.
«Конор Макгрегор — жўжа қалбли тап-машина. Дэйна Уайт, мен очман, менга десерт бер», — дея ёзади Чимаев Twitter’ида
Эслатиб ўтамиз, 32 ёшли ирландиялик яккакурашчи аввалроқ фаолиятини якунлашини маълум қилганди.
Чимаев 16 июль куни UFC on ESPN 13 мусобақасида промоушендаги дебютини ўтказди ва унда швециялик спортчи Жонс Филлипсни оғритиш усули билан таслим этди. Шунингдек, UFC Fight Island 3 мусобақасида Ҳамзат Рис Маккини 3 дақиқа ичида нокаутга учратди. Шу тариқа Чимаев 10 кун ичида иккита жанг ўтказган UFC тарихидаги илк жангчига айланди.
Чеченистонда туғилган Ҳамзат Чимаев 2011 йилда Швециядан сиёсий бошпана сўраб, юртини тарк этган. Отасидан ташқари барча оила аъзолари 2019 йилда Швецияга кўчиб кетган. Спортчининг ўзи эса халқаро мусобақаларда Швеция номидан иштирок этади.Ҳамзат Чимаевнинг UFC’даги илк жангларини томоша қилинг (видео)
Изоҳ (0)