Хитойнинг «Шанхай СИПГ» клуби ва Ўзбекистон терма жамоаси ярим ҳимоячиси Одил Аҳмедов ватандоши Остон Ўруновнинг «Уфа»дан «Спартак» сафига ўтаётгани борасида фикр билдирди.
«Остон Ўрунов Москванинг «Спартак» жамоасига ўтиши мумкинлиги ҳақидаги хабарларни эшитдим. Умид қиламанки, унда ҳаммаси ўхшайди. Ўруновда жанговар салоҳият бор, у ҳақиқий профессионал, шу сабаб агар у «Спартак»ка йўл оладиган бўлса, ўйнаб кетишига ишонаман.
Мен Остонни яхши биламан, гарчи у билан ҳеч қачон суҳбатлашмаган бўлсамда, бир вақтлар Вадим Евсеевга Ўрунов «Уфа»нинг ишончини оқлашини ёзгандим. Шуни айтишим мумкин, Остон «Спартак»даги ҳаракатлари билан ўзбек футболи имижини кўтариши мумкин. Энди Ўзбекистонда кўпчилик «Спартак»ка мухлислик қилади.
Энди Тедескога («Спартак» бош мураббийи — изоҳ «Дарё») SMS юбораманми? Билмасам, менда унинг рақами йўқ, агар бўлганида хат ёзиб юборардим (кулади)», — дейди Аҳмедов.
Аввалроқ «Спартак» Остон Ўрунов трансфери борасида «Уфа» билан келишиб олгани ва футболчи коронавирусдан халос бўлиши билан шартнома расмийлаштирилиши хабар қилинганди. Трансфер 2 миллион еврога баҳоланган. 19 ёшли футболчи москваликлар сафида йилига 600 минг евро маош олади.
Остон Ўрунов ижросидаги супер дриблинглар ва финтларни томоша қилинг (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)