Mercedes-Benz компанияси ўзининг янги авлод S-Class’ига оид маълумотларни ошкор қилишда давом этмоқда. Бу сафар орқа ўриндиқда ўтирадиган йўловчиларни ҳимояловчи тизим намойиш этилди, деб хабар беради Motor.
Mercedes-Benz янги технология қандай ишлаши ҳақида батафсил маълумот бермаган. Дастлабки тасвирларга кўра, хавфсизлик ёстиқчаси олд ўриндиқларнинг орқа томонига ўрнатилган бўлади. Тўқнашув вақтида фронтал ёстиқчалар ён ёстиқчалар ўрнига ишга тушиб, орқада ўтирган йўловчининг хавфсизлигини максимал даражада таъминлайди.
Немис компанияси вакилларининг маълум қилишича, янги S-Class орқа йўловчилар учун мўлжалланган хавфсизлик ёстиқчаларига эга ва тўғридан-тўғри тўқнашувларда ҳимоя қилишга қодир биринчи автомобилга айланади. Бироқ ҳозирча янги тизим болалар ўриндиқларига қай тарзда мослаштирилиши ҳақида маълумот йўқ.
Бундан ташқари, янги S-Class жойида турган автомобилнинг орқа қисмига келиб урилиши мумкин бўлган хавфлардан ҳимоя қилувчи тизимга эга бўлади. Янги технология автомобиль ҳолатини назорат қилувчи тизим билан биргаликда ишлайди, бу эса ғилдираклар қаттиқлиги ва унинг жойлашишини индивидуал назорат қилиш имконини беради.
Изоҳ (0)