Bugun,

  • USD 11095.31
  • RUB 173.84
  • EUR 10772.44

Nemis avtokonserni o‘zining eng kuchli seriyali superkari — Mercedes-AMG GT Black Series’ni taqdim etdi, deb xabar beradi The Drive. Yangi model kapoti ostidan 730 ot kuchiga ega V8 dvigateli o‘rin olgan bo‘lib, mashinaning 100 km/soat tezlikka erishishi uchun 3,2 soniya kifoya.

Foto: The Drive

Foto: The Drive

Black Series seriyasi o‘zining dvigatellari tavsifi bilan ko‘pchilikni hayratga solib kelgan Mercedes-AMG’ning afsonaviy avtomobillar lineykasi hisoblanadi.

Black Series kupesi tashqi ko‘rinishi bilan “standart” AMG GT’dan radiator panjaralarining kattaligi, aerodinamik to‘sgichlari, yukxona tomidagi massiv antiqanoti, eksteryeri va interyeridagi qora aksentlar bilan farq qiladi.

Yangi AMG’ni 730 ot kuchi va 800 Nm aylanuvchi momentga ega 4,0 litrli V8 tvin-turbodvigateli harakatga keltiradi. Dvigatel yetti pog‘onali “robot” uzatmalar qutisi yordamida boshqariladi. U 200 metr masofani to‘qqiz soniyada bosib o‘tadi, maksimal tezligi soatiga 325 kilometrga teng.

Foto: The Drive

Foto: The Drive

Kupening aerodinamik tavsifini yaxshilash uchun GT3 va GT4 poyga serialariga tegishli qo‘shimcha havo haydagich va qirqimlar o‘rnatilgan. Shuningdek, old bamper ostidan sozlanuvchi splitter o‘rin olgan bo‘lib, u avtomobil ostida past bosim zonasini hosil qiladi.

Foto: The Drive

Foto: The Drive

Hozircha AMG GT Black Series narxi va tiraji haqida ma’lumotlar mavjud emas.

Avvalroq Maybach uslubida yaratilgan Mercedes GLE taqdim etilgani to‘g‘risida xabar berilgandi.

Izoh
Asosiy yangiliklar
Mahalliy
Shavkat Mirziyoyev Sergelidagi mahalla aholisi bilan muloqot qildi
Mahalliy
Jurnalist va bloger Abduqodir Mo‘minov tovlamachilik va firibgarlikda ayblanmoqda 
Mahalliy
O‘zbekistonda energetika tizimida qayta tiklanuvchi energiya salohiyatiga tayaniladi