Ўзбекистонда 2020 йил 24 июль соат 23:30 ҳолатига кўра, яна 181 кишида коронавирус инфекцияси қайд этилди ва касалланганларнинг умумий сони 19 360 нафарни ташкил этмоқда, дейилади ССВ хабарида.
Янги касалланиш ҳолатларининг
- 89 таси Қашқадарё вилоятида;
- 80 таси Тошкент шаҳрида;
- 12 таси Хоразм вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.
24 июлда Тошкент шаҳридаги тиббиёт муассасаларида 124 нафар, Андижон вилоятида 95 нафар, Сирдарё вилоятида 63 нафар, Навоий вилоятида 18 нафар, Наманган вилоятида 13 нафар ҳамда Сурхондарё вилоятида 10 нафар, жами 323 нафар бемор COVID-19 инфекциясидан фориғ бўлган.
Шу тариқа Ўзбекистонда коронавирус инфекциясидан тузалганлар сони 10 472 нафарни (54 фоиз) ташкил қилмоқда. 8782 нафар беморга шифокорлар томонидан белгиланган стандартлар бўйича даво чоралари кўрилмоқда, дейилади вазирлик ахборотида.
15 мартдан буён «Дарё» ҳисоби бўйича 112 нафар бемор коронавирус инфекцияси асоратлари оқибатида вафот этган. ССВ статистикасига кўра COVID-19 асоратлари оқибатида қайд этилган ўлимлар сони 107 та.
Давлат хизматлари агентлиги 15 июль куни Навоий вилоятидаги 61 ёшли ходими Адҳамжон Деҳқонов, Маданият вазирлиги эса 18 июль куни 32 ёшли ходими Акмал Ирисов коронавирус асоратларидан вафот этгани, Олмалиқ шаҳри ҳокимлиги 9 ва 15 июль кунлари шаҳар шифохоналарида вафот этган икки аёлда коронавирус тасдиқлангани ҳақида хабар берган. 22 июлда Ўзбекистон бош прокурорининг собиқ ўринбосари Ҳакимбай Халимов 66 ёшида коронавирус асоратларидан вафот этгани, шунингдек, коронавирусга чалинган Қорақалпоғистон Республикаси Қонликўл тумани ҳокими Даулет Толибаевнинг 24 июль куни ҳаётдан кўз юмгани ҳақида хабарлар берилган. Аммо ССВ томонидан ушбу ҳолатлар ҳақида ахборот берилмаган.
Изоҳ (0)