Қорақалпоғистон Республикаси Қонликўл тумани ҳокими Даулет Аяпбергенович Толибаев 2020 йилнинг 24 июль куни оламдан ўтди. Бу ҳақда ЎзА хабар берди.
Қайд этилишича, Толибаев бир неча кун олдин коронавирусга чалиниб, касалхонага ётқизилган. Бироқ кўрсатилган муолажаларга қарамай бемор вафот этган.
Даулет Толибаев 1983 йил 18 октябрда Нукус шаҳрида туғилган. Ўзбекистон Миллий университетида таҳсил олган. Меҳнат фаолиятини 2004 йилда бошлаб, узоқ йиллар ирригация соҳасида турли ташкилотларда, жумладан, Қорақалпоғистон сув хўжалиги вазирининг биринчи ўринбосари лавозимида фаолият олиб борган.
Толибаев 2019 йилдан буён Қонликўл тумани ҳокими сифатида ишлаб келаётган эди.
Шу тариқа Даурен Толибоев «Дарё» ҳисоби бўйича коронавирус асоратларидан вафот этган 110-беморга айланди. ССВ статистикаси бўйича 24 июль соат 17:00 ҳолатига кўра, 104 нафар бемор COVID-19 асоратлари оқибатида ҳаётдан кўз юмган.
Шу тариқа «Дарё» ҳисоби бўйича Қорақалпоғистонда коронавирусга чалинган беморларнинг 4 нафари вафот этди. ССВ ҳозирча икки нафар беморнинг ўлими юзасидан расмий ахборот бергани йўқ.
Мавзуга доир: Қорақалпоғистонда 2 нафар тиббиёт ходими коронавирус асоратлари оқибатида вафот этгани маълум қилинди
Изоҳ (0)