«Шукр, бу синовдан ҳам ўтиб олдим». Каниза коронавирусдан тузалганини маълум қилди

Хонанда Каниза коронавирусдан тузалганини маълум қилди. Унинг ёзишича, 16 кун деганда ўзини яхши ҳис этмоқда, фақат бироз ҳолсизлик кузатилмоқда.

https://www.instagram.com/p/CDBFKxgJKnr/

Каниза 16 июль куни коронавирусга чалинганини айтиб, тез ёрдамга бир неча марта қўнғироқ қилгани, аҳволи ёмонлашганида зарур тиббий ёрдамни ўз вақтида ололмагани учун соғлиқни сақлаш тизимини танқид қилган эди.

Сўнгги вақтларда бир неча шоу-бизнес вакили коронавирусни юқтиргани маълум бўлди. Хусусан, актриса Муқаддас Холиқова, хонанда Каниза, режиссёр Сарвар Каримов ва унинг оиласи, «Беном» гуруҳи хонандаси Комилда ушбу касаллик аниқланган.

Шунингдек, хонанда Муниса Ризаева ва унинг оила аъзолари пневмонияга чалинган. У ота-онасининг аҳволи оғир эканлигини билдирди.

23 июль куни Муқаддас Холиқова ҳамда унинг оила аъзолари коронавирусдан соғайгани маълум бўлди.