Ҳукумат билан фильмлар борасида келишмовчиликлар юзага келгани сабаб Netflix Туркияни тарк этиши мумкин. Турк ахборот агентликларининг хабар беришига қараганда, қаҳрамонлари билан боғлиқ цензура сабаб Netflix «Севги 101» сериалини суратга олишни тўхтатган.
Эбру Шаҳин
«Беқарор» сериали юлдузи Эбру Шаҳиннинг шахсий ҳаётида ўзгаришлар юз бермоқда. Ҳеч ким билан муносабатда эмаслигини таъкидлайдиган актриса баскетболчи Жеди Осман билан сайр қилиб юрганида папарацци нишонига учраган.
Ханде Эрчел
Ўзбек мухлисларига «Маликам, энди қара» сериалидаги роли орқали яхши таниш бўлган актриса йигити Мурат Далгич билан муносабатларига нуқта қўйган. Бу ҳақида Ханде Instagram саҳифасида эълон қилганидан кейин мухлисларда у суратга тушаётган «Эшигимни тақиллат» сериалида бош қаҳрамон ролини ижро қилаётган Керем Бурсин билан севги учқуни пайдо бўлган, деган шубҳа уйғонган.
Кадир Догулу
Кадир Догулу Бурак Ўзчивит ҳақидаги фикрларини билдирди. Унинг айтишига қараганда, у Бурак билан яхши ҳамкасб ва уни профессионал актёр деб ҳисоблайди. Лекин шунга қарамасдан бирга ишлаган ҳамма билан ҳам қалин дўст бўлиш имконсиз. Тўйига чақирмагани ҳам шу билан боғлиқ, яъни инсон никоҳ оқшомида ёнида энг яқин инсонлари бўлишини исташи табиий ҳол.
Бошқа янгиликлар
Каан ва Жансудан янги ҳамкорлик. Каан Урганжиоғлу, Жансу Дере «Доктор Фостер»нинг туркча вариантида бирга суратга тушади. Исмаил Хажиоғлу эса «Joker»нинг туркчасида бош қаҳрамон ролини ижро қилиши кутилмоқда. Жемре Байсел эса Эмре Бей ва Озге Ягиз билан биргаликда «Менинг чап тарафим» сериалида биргаликда суратга тушади. Бирсен Алтунташнинг таъкидлашича, Онур Сайлак «Чуқур» фильмида роль ижро қилиши мумкин.
Изоҳ (0)