“Shukr, bu sinovdan ham o‘tib oldim”. Kaniza koronavirusdan tuzalganini ma’lum qildi

Xonanda Kaniza koronavirusdan tuzalganini ma’lum qildi. Uning yozishicha, 16 kun deganda o‘zini yaxshi his etmoqda, faqat biroz holsizlik kuzatilmoqda.

https://www.instagram.com/p/CDBFKxgJKnr/

Kaniza 16-iyul kuni koronavirusga chalinganini aytib, tez yordamga bir necha marta qo‘ng‘iroq qilgani, ahvoli yomonlashganida zarur tibbiy yordamni o‘z vaqtida ololmagani uchun sog‘liqni saqlash tizimini tanqid qilgan edi.

So‘nggi vaqtlarda bir necha shou-biznes vakili koronavirusni yuqtirgani ma’lum bo‘ldi. Xususan, aktrisa Muqaddas Xoliqova, xonanda Kaniza, rejissor Sarvar Karimov va uning oilasi, “Benom” guruhi xonandasi Komilda ushbu kasallik aniqlangan.

Shuningdek, xonanda Munisa Rizayeva va uning oila a’zolari pnevmoniyaga chalingan. U ota-onasining ahvoli og‘ir ekanligini bildirdi.

23-iyul kuni Muqaddas Xoliqova hamda uning oila a’zolari koronavirusdan sog‘aygani ma’lum bo‘ldi.