Турк киносаноати ижодкорлари томонидан мухлисларга тақдим қилинган сериалларнинг барчаси ҳам тўқима эмас, улар орасида ҳаётий воқеликка асосланганлари ҳам бор. Қуйида улар ҳақида маълумот бериб ўтамиз.
«Жимжитлик» (2012)
Бош ролларда: Мурат Йилдирим, Асли Эрвер ва Берк Хакман
Болалиги қийинчилик билан ўтган турк болалари ўйламай бажарилган ишлари оқибатида қамоққа олинади. Йиллар ўтиб озодликка чиққанидан кейин ўтмишни унутишни истаган дўстлар ҳақидаги фильм воқеалари 1997 йилда Туркияда юз берган. 2016 йилда эса америкалик ижодкорлар ушбу фильмдан илҳомланиб ремейк суратга олган ва у «Жимжитлик ўйини» деб номланган.
«Ўқ» (2019)
Бош ролларда: Энгин Алтае Дузятан
Рейтингда паст натижа қайд қилгани сабаб 7-қисмдан кейин суратга олиш ишлари якунланган фим сюжети мафия билан курашишдан тап тортмаган турк прокурорининг биографиясига асосланган. Фильмда акс эттирилган воқеа ХХ асрнинг 70 йилларида юз берган.
«Эслаб қол севгилим» (2006)
Бош ролларда: Жансел Элчин, Берен Саат ва Окан Ялабик
Сериал Туркиядаги энг муҳим тарихий воқеалар фонида содир бўлган севги қиссаси ҳақида ҳикоя қилади. Сериал сюжети томошабинни ХХ асрнинг 50—70 йилларига етаклайди.
«Истанбуллик келин» (2017)
Бош ролларда: Ўзжан Дениз ва Асли Энвер
Ушбу сериал шифокор-психолог Гюлсерен Будайижиўғлунинг «Ҳаётга қайт» китоби асосида суратга олинган. Муаллиф китобда ўз беморларидан бирининг ҳаётидаги воқеаларини ёритган бўлиб, шундан кейин унинг асари асосида сериал суратга олиш таклифи келиб тушади. Натижада Гюлсерен фильм сценарий муаллифларидан бирига айланади. Сериал сюжети турли социал синфлардан бўлган аёл ва эркакнинг севги ҳикоясига асосланган.
Изоҳ (0)