Хонанда ва актёр Шароф Муқимов MY5 телеканалининг «Омон-Омон» кўрсатувида меҳмон бўлди. У кўрсатув жараёнида иккинчи марта турмуш қургани ҳамда ҳозирги рафиқасига уйланишдан аввал қандай шарт қўйгани ҳақида сўзлаб берди.
«Биринчи турмушим билан шунақа вазият бўлиб қолган. Биз ҳам хоҳламаганмиз оиламиз ўхшамай қолишини. Тақдир экан. Иккинчи марта турмуш қурдим, кўз тегмасин жудаям яхши. Ҳар томонлама хурсандман. Отамнинг ҳам дуоларини олиб келяпти. Куёвларга айтадиган бир гапим бор, уйланишдан олдин келинга шарт қўйиш керак. Мен ҳам шундай шарт қўйиб уйландим. Унга менинг муҳаббатим калити — бу сенинг яқинларимга берадиган меҳринг. Сен қанча менинг азиз инсонларимга меҳр берсанг, менинг энг катта муҳаббатимга сазовор бўласан. Оиламизнинг бахти камоли фақат эркакка эмас, аёл кишига ҳам боғлиқ, деб турмуш қурдик. Ўзи турмуш қуришимиз ҳам осон бўлмади. Қуда томонда ҳам турли хавотирлар бўлади. Қайнанам ҳам жуда яхши инсон. Сурхондарёнинг Шеробод туманидан. Қизига яхши тарбия бергани сабабли дадам ҳар куни дуо қиладилар ҳозирги аёлимни. Қолаверса мен ҳам жуда мамнунман. Ҳаммага гўзал бахт тилаб қоламан. Ҳар доим ота-онанинг қадрига нафақат биз ўғил фарзандлар, балки келинлар ҳам етишига тилакдошман».
Шунингдек, Шароф Муқимов айни пайтда янги фильм суратга олишга тайёрланаётгани ҳақида ҳам гапирди:
«Санжар Шодиев билан биргаликда янги фильм устида иш олиб боряпмиз. Бу фильмда ўзимиз продюсер, сценарий муаллифи, режиссёр ва актёр сифатида ишлаймиз. Фильм ‘Вой дод, асаллар ёхуд миллиардерлар» деб номланади», — дейди Шароф Муқимов.
Маълумот учун, Шароф Муқимов 2019 йилда иккинчи марта уйланган эди.
У илк марта 2010 йилда хонанда Севинч билан турмуш қурган. Улар 2017 йилда қонунан ажрашган. Жуфтликнинг Лейла исмли қизи бор.
Изоҳ (0)