Британиялик ёзувчи Марк Доусон ўзи ёзган детектив Sunday Times газетасининг Топ-10 бестселлерлар қаторига кириши учун китобнинг 400 нусхасини харид қилди. Харидор ким эканлиги маълум бўлгач, китоб нуфузли рўйхатдан чиқариб ташланган, деб ёзади The Guardian.
Доусон ўзининг The Cleaner номли детективини етти йил олдин ёзган.
Муаллифнинг сўзларига кўра, у ўз асари харидоргир китоблар орасида 13-ўринда эканлигини кўргач, шу каби йўл тутишга қарор қилган.
Доусон мухлисларига романи ўзининг қўлидан сотиб олишни таклиф этган, улар эса рози бўлган. Шундан сўнг, эркак 3,6 минг фунтлик китоб буюртма қилган. Бу каби найранг фойда берган ва британияликнинг китоби бестселлерлар рўйхатида 13-ўриндан 8-ўринга кўтарилиб олган.
Бироқ бу каби йўл рейтинг муаллифларига ёқмаган. Нашрнинг таъкидлашича, улар ушбу 400 нусха китобни ҳисобга олмаган.
Британиялик ёзувчининг ўзи эса, ҳалол ўйин олиб боргани, шунчаки китобининг савдосини тезлаштирганини маълум қилган. Унинг асарлари ҳозирда тез-тез Европа, АҚШ ва Австралиядаги ўқувчиларга юборилмоқда.
Мавзуга доир: Мишел Обаманинг автобиографияси АҚШда бесцеллер бўлди
Изоҳ (0)