Японияда янги Toyota Harrier’ни сотиб олиш истагида бўлган харидорлар навбати 1,5 йилга чўзилиб кетди. Дастлабки ойнинг ўзида моделнинг 45 минг нусхасига олдиндан буюртма берилган. Harrier бундан бир ой олдин сотувга чиққан, деб ёзади Motor.
Маълум қилинишича, Япония автоконцерни ойига уч минг нусха Harrier сотишни режалаштирган, бироқ янги моделга бўлган талаб кескин ошиб кетган.
Агарда автокомпания ишлаб чиқариш ҳажмини оширмаса, харидорлар ўзининг транспорт воситасини тахминан 1,5 йил кутишга мажбур бўлади.
Японияда Harrier кроссоверининг нархи 3-5 миллион иенани (28—46,5 минг доллар) ташкил этмоқда.
Harrier’нинг базавий версиясига 171 ой кучига эга 2,0 литрли атрмосфера двигатели ўрнатилган. Кроссовер ўзининг юкхонаси эшиги, газ чиқариш тизимидаги тўртта трубаси, ён қирқимлари билан ажралиб туради. Моделнинг ўзига хос техник жиҳати — янги амортизаторлар жамланмаси ва GR пружиналари.
Изоҳ (0)