Lamborghini’ники каби эшикларга эга дунёдаги энг паст бўйли «Нива» тақдим этилди (видео)

YouTube’даги Iling Show канали видеоблогерлари дунёдаги энг паст бўйли машиналарни яратиш билан шуғулланади. Ҳозирга қадар улар энг паст «Буханка», энг паст «Гелик»ни яратган бўлса, бу сафар навбат энг паст «Нива»га етиб келди.

Каналда мазкур лойиҳанинг финал қисми чиққан бўлиб, автомобилнинг ташқи кўриниши ва салони якуний кўринишга кирган. Бунинг учун ноодатий усулда бўялган кузов зирҳли плёнка ёрдамида ҳимояланган.

Шунингдек, машинанинг барча ойналари шаффоф реклама пластигидан ишланган, салон эса қизил карпет билан қопланган.

«Нива»нинг баландлиги шу қадар кичрайтирилганки, олд ғилдираклар капотдаги махсус тешиклардан чиқиб туради. Двигатель ҳам худди шундай. Эшиклари эса Lamborghini’ники каби очилади, юкхона эшиги кузовга параллел равишда юроқига сурилади.

Аввалроқ россиялик блогерлар оёқлари билан қадам ташлаб юрадиган «Жигули» ясагани тўғрисида хабар берилганди.