Италиянинг Ares Design тюнинг-ательеси «биллур» автомобиль яратиш борасидаги режаси билан бўлишди. Ноодатий лойиҳа Франциянинг Lalique биллур ишлаб чиқарувчи компанияси билан амалга оширилади, деб хабар беради Motor.
Ноодатий лойиҳанинг мақсади — ўтмишдаги автомобилни замонавий технологиялар ёрдамида яратиш. Ҳозирча мутахассислар айнан қайси модель яратилишига ойдинлик киритмаган. Эълон қилинган суратга кўра, у ретро услубдаги бирор родстер бўлиши керак.
Шунингдек, тизердан кўриш мумкинки, спорткар узун капотлари ва юмшоқ йиғма томи билан ажралиб турибди. Бундан ташқари, қайта яратиладиган ретро автомобиль хромланган ён ойналар ва эшик тутқичларига эга бўлади.
Автомобиль яратиш ва унинг дизайни билан Ares Design’нинг италиялик тюнерлари шуғулланади. Франциянинг Lalique компанияси эса ўз навбатида, модель учун ноёб биллурларни яратади. Мутахассислар мазкур ноодатий лойиҳани 2020 йил охирига қадар якунлашни режалаштирмоқда.
Аввалроқ Грецияда том қисми металл шишадан ишлаган, 3000 от кучига эга гиперкар яратилгани тўғрисида хабар берилганди.
Изоҳ (0)