Ўзбекистон Президенти Шавкат Мирзиёев 20 июль, душанба куни архитектура ва қурилиш соҳасидаги ислоҳотлар натижаларига оид тақдимот билан танишди. Бу ҳақда Президент матбуот хизмати хабар берди.
Қайд этилишича, қурилиш соҳасини такомиллаштириш, шаффофликни таъминлаш, ипотека бозорини ривожлантириш мақсадида охирги уч йилда Президентнинг 40 га яқин қарори қабул қилинди.
Мавзуга доир: Қурилишда коррупция ва қоғозбозликни тугатиши кутилаётган «Шаффоф қурилиш» тизими ҳақида маълумот берилди
Қурилиш вазирлиги олдига 337 та шаҳарсозлик қоида ва нормасидан 2020 йилда 60 тасини янгилаш вазифаси қўйилган. Йил бошида вазирликда Қурилишда техник меъёрлаш маркази ташкил этилиб, унга 15 нафар малакали мутахассис олинган. Ҳозирда 33 та янги шаҳарсозлик қоида ва нормаси ишлаб чиқилган.
Йиғилишда бу борадаги ишларни жадаллаштириш учун илғор тажрибага эга хорижий компанияни жалб этиш бўйича кўрсатма берилди.
Изоҳ (0)