Футбол бўйича Англия чемпионатининг 37-турида «Тоттенҳэм» 19 июль, якшанба куни «Лестер»ни қабул қилди.
Учрашув лондонликларнинг устунлигида бошланди ва «шпорлар» танаффусга қадар ўйин масаласини ҳал қилиб қўйди. 6-дақиқада Сон Ҳён Миннинг зарбасидан кейин тўп Жеймс Жастинга тегиб ўз йўналишини ўзгартирди ва меҳмонлар дарвозасидан жой олди.
37-дақиқада Ҳарри Кейн жамоасининг қарши ҳужумини муваффақиятли якунлади. Орадан уч дақиқада ўтиб Кейн дублни расмийлаштирган ҳолда якуний ҳисобни ўрнатди.
Мазкур ғалабадан кейин «Тоттенҳэм» очколарини 58 тага етказиб олди ва 6-ўринга кўтарилди. «Лестер» эса 62 очко билан 4-ўринда бормоқда ва бир захира ўйинига эга «Манчестер Юнайтед» билан бир хил очко тўплаган. Шу тариқа АПЛ сўнгги туридан ўрин олган «Лестер» — «Манчестер Юнайтед» учрашуви Чемпионлар Лигаси йўлланмаси учун кечадиган бўлди.
АПЛ
37-тур баҳси
19 июль, якшанба
«Тоттенҳэм» — «Лестер» 3:0
Голлар: 1:0 – 6, автогол Жастин, 2:0 – 37 Кейн, 3:0 – 40 Кейн.«Тоттенҳэм»: Льорис, Алдервейрелд, Санчес, Дэвис, Орье, Ло Чельсо (Ламела, 77), Уинкс (Скипп, 90), Лукас Моура (Бергвейн, 77), Сиссоко, Сон Ҳён Мин (Жедсон Фернандеш, 89), Кейн.
«Лестер»: Шмейҳел, Жастин, Морган, Эванс, Томас, Барнс (Ҳёрст, 83), Ндиди (Менди, 70), Перес (Ихеаначо, 59), Тилеманс (Прат, 70), Беннетт (Грэй, 46), Варди.
Огоҳлантиришлар: Лукас Моура (57), Эванс (73), Санчес (86).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)