Футбол бўйича Беларусь чемпионатининг 18-туридан ўрин олган икки ўйин 19 июль, якшанба куни бўлиб ўтди.
«Энергетик-БГУ» жамоаси Минск дербисида имкониятни бой бериб қўйди. Дастлаб «талабалар» Евгений Юдчицнинг голидан кейин ҳисобни очганди. Бироқ майдон эгалари бунга иккита тўп билан жавоб қайтаришга эришди.
Мазкур баҳсда ўзбекистонлик футболчи Шаҳбоз Умаров асосий таркибда майдонга тушди ва 57-дақиқада захирага олинди.
Жасур Яхшибоев ҳаракат қилаётган «Шахтёр Солигорск» жамоаси эса «Неман»га қарши баҳс олиб борди. Кескин кураш ва қўполликларга бой бўлган баҳсда нурсиз дуранг қайд этилди. Яхшибоев эса 48-дақиқада захирадан майдонга тушди.
Мазкур дурангдан кейин «Шахтёр» 34 очко билан пешқадамликни сақлаб қолди. «Неман» (31) эса 3-поғонада қолмоқда.
Беларусь Олий Лигаси
18-тур баҳслари
19 июль, якшанба
«Минск» — «Энергетик-БГУ» 2:1
Голлар: 0:1 – 36, Юдчиц, 1:1 – 45, Васильев, 2:1 – 51 Залеский.«Минск»: Веремко, Чаговец, Пришепа, Залеский, Шемрук, Рижук, Васильев, Зинович (Яроцкий, 64), Шрамченко, Грибовский, Горбач.
«Энергетик-БГУ»: Садовский, Свирепа, Сокол, Юдчиц, Мавату (Гирс, 62), Шкурдюк, Умаров (Атеменг, 57), Башилов, Носко, Бакич, Мусаханян (Совпел, 54).
Огоҳлантиришлар: Шрамченко (10), Башилов (41), Зинович (42), Умаров (57), Пришепа (73), Шемрук (75), Свипера (87).
«Неман» — «Шахтёр Солигорск» 0:0
«Неман»: Дудар, Кантария (Вегеря, 77), Кадимян, Забелин, Слабашевич, Якимов, Стойкович, Марушич (Иванов, 90+2), Легчилин, Яблонский, По.«Шахтёр Солигорск»: Гутор, Ҳодаркевич, Антич, Селява, Подстрелов, Сачивко, Сзоке, Иванович (Бурко, 69), Вукманич, Архипов, Лисакович (Яхшибоев, 48).
Огоҳлантиришлар: Подстрелов (13), Кантария (17), Архипов (35), Вукманич (50), Селява (73), Яблонский (85).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)