Футбол бўйича Испания Ла Лигасининг 38-турида «Барселона» 19 июль, якшанба куни «Алавес» меҳмони бўлди.
Учрашувда каталонлар йирик ҳисобдаги ғалабани қўлга киритди. 24-дақиқада Ансу Фати Лионель Мессининг узатмасидан кейин меҳмонларни олдинга олиб чиққан бўлса, орадан ўн дақиқа ўтиб Мессининг ўзи гол муаллифига айланди. Биринчи бўлим якунланиши арафасида Луис Суарес ҳисобни йирик кўринишга олиб келди.
Танаффусдан кейин «кўк-анорранглилар» яна иккита гол уришга муваффақ бўлди. Дастлаб Нелсон Семеду аниқ зарба йўллаган бўлса, 75-дақиқада Месси дублини нишонлаб, якуний ҳисобни ўрнатди.
Мазкур ғалабадан кейин Кике Сетьен шогирдлари мавсумни иккинчи ўринда, 82 очко билан якунлайдиган бўлди.
Ла Лига
38-тур баҳси
19 июль, якшанба
«Алавес» — «Барселона» 0:5
Голлар: 0:1 – 24 Фати, 0:2 – 34 Месси, 0:3 – 44 Суарес, 0:4 – 57 Семеду, 0:5 – 75 Месси.«Алавес»: Роберто, Магалян, Лагуардиа (Тачи, 46), Марин, Агиррегабириа, Мендес, Ману Гарсия (Фейса, 59), Камараса (Махмуд, 65), Берк (Риоха, 46), Хоселу, Лукас Перес (Пере Понс, 46).
«Барселона»: Нето, Лангле (Семеду, 50), Араухо, Серхи Роберто, Альба, Видаль, Бускетс (де Йонг, 59), Пуч, Фати (Брэйтуэйт, 78), Суарес, Месси.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)