Туркиянинг Истанбул шаҳри прокуратурасида севгилиси Дениз Булусузни калтаклаган турк актёри Озан Гювеннинг иши кўриб чиқилмоқда, деб ёзади «Rusturkey.com».
Гювенга қарши очилган оиладаги зўравонлик бўйича ишда Гювеннинг ҳақорат қилганлик, қасддан баданга жароҳат етказганлик, бировнинг озодлигини чеклаганликда айбланаётгани айтилади.
Агар судда Гювеннинг айби тасдиқланса, у 13,5 йилгача озодликдан маҳрум этилиши мумкин.
Озан Гювеннинг ўзи эса унга қўйилаётган айбловларни инкор қилмоқда.
Маълумот учун, Озан Гювен 1975 йилда Германиянинг Берлин шаҳрида туғилган. У Истанбулдаги Миллий консерватория университетининг замонавий рақслар факультетини тугатган.
Ўзбек томошабинларига Озан Гювен «Муҳташам юз йил» сериалидаги Рустам пошша образи орқали яхши таниш.
Изоҳ (0)