Ўзбекистонда энди бемор коронавирус аломатлари билан мурожаат қилганда, уни клиникага ётқизиш учун тест натижаси бўлиши шарт эмас. Бу ҳақда 18 июль, шанба куни АОКА ҳузуридаги штабда ўтказилган брифингда Коронавирусга қарши курашиш штаби аъзоси Феруза Ҳамробоева маълум қилди.
АОКА ҳузуридаги штабга одамларда коронавируснинг баъзи аломатлари сезилаётган бўлса ҳам, лекин ҳали тест жавоби чиқмаган бўлса, шифохоналар уларни қабул қилмаётгани ҳақида савол келиб тушган. Феруза Ҳамробоева бу саволга жавоб берар экан, ҳукуматнинг йиғилиши штабида ушбу масала кўриб чиқилганини маълум қилди.
Унга кўра, 18 июлдан бошлаб беморларни шифохоналарга қабул қилиш тест синовлари натижаларисиз ҳам амалга оширилиши мумкин бўлди.
Изоҳ (0)