Кенияда яшовчи оила 12 ёшли қизини бир ой ичида икки марта эрга берди. Қизчанинг биринчи эри 52 ёшда, иккинчиси эса 35 ёшда эканлиги айтилмоқда, деб ёзади BBC.
Биринчи эркак қизча учун унинг отасига тўртта сигир таклиф қилган, ота тўйга рози бўлган.
Қизча йиғлаб, эрга тегишни истамаслигини маълум қилган. У ҳатто уйдан қочиб кетишга уринган, бироқ акалари қизчани қаттиқ калтаклаган.
Бир неча кундан сўнг қизча ўзидан 40 ёш катта эриникидан қочиб кетган, бироқ уйга қайта олмаслигини англаб, 35 ёшли эркак билан яшай бошлаган.
Ота-она қочоқ қизни излаб топиб, уни биринчи эрига қайтариб олиб борган.
Вазиятдан хабар топган давлат органлари қизни оиласидан олиб кетган. Кенияда вояга етмаган ўсмирларнинг турмуш қуриши тақиқланган. Қонунни бузганларга беш йил қамоқ жазоси берилиши мумкин. Ҳозирда қизнинг отаси ва эри қочиб кетган.
Маҳаллий ҳуқуқ-тартибот органларининг таъкидлашича, ушбу вазиятда бевосита коронавирус пандемияси айбдор.
Мактабларнинг ёпилиши ва инқироз оилаларни кун кечириш учун қизларини икки-учта сигир эвазига эрга беришга мажбур қилмоқда.
Изоҳ (0)