eBay’да Ford F-600 юк машинаси базасида яратилган хот-род сотувга қўйилди. Машина учун сўнгги таклиф этилган нарх 25,5 минг долларни ташкил этмоқда, кимошди савдолари эса бир ойдан сўнг якунланади.
Бразилияда 1959 йилда йиғилган Ford F-600 моделига дастлаб саккиз цилиндрга эга 4,8 литрли Ford Y-Block двигатели ўрнатилган.
Ҳозирда эса 60 ёшли автомобилни Американинг Detroit Diesel компаниясига тегишли олти цилиндрли 6V53Т мотори ҳаракатга келтиради. У тўрт поғонали Allison трансмиссияси ёрдамида бошқарилади. Сотувчининг сўзларига кўра, хот-роднинг максимал тезлиги соатига 88,5 километрга тенг.
Юк машинаси ромлари кучайтирилган, янги тормоз тизимига ва 15 литрли ёғилғи бакига эга бўлган. Фараларидан бошқа барча оптикасида ёруғлик диодлардан фойдаланилган.
Бироқ хот-роднинг муҳим бир детали етишмайди: спидометр. Сотувчи нима сабабдан у олиб ташлангани ва нега янгиси ўрнатилмаганини изоҳламаган. Бунинг ўрнига у машинанинг янги эгасига Google Maps навигатор каби махсус иловадан фойдаланган ҳолда унинг тезлигини ўлчаб кўришни маслаҳат берган.
Изоҳ (0)