Chevrolet компанияси 2002 йилдан буён конвейрдан чиқиб келаётган Aveo моделини ишлаб чиқаришдан олади. Сўнгги нусха АҚШда жойлашган заводдаги ковейрдан октябрь ойида чиқади, деб хабар беради Motor1.
Мазкур модель АҚШда Sonic номи остида сотувга чиққан.
Aveo/Sonic моделини ишлаб чиқаришни тўхтатиш ҳақида бундан икки йил олдин маълум бўлган. Компания енгил автомобилларни ишлаб чиқаришни йиғиштириб, унинг ўрнига асосий эътиборни кроссовер, йўлтанламас ва электромобиллар моделини кенгайтириш ҳамда ишлаб чиқаришга қаратмоқчи.
Маълумот учун, Aveo дизайнини италиялик машҳур дизайнер Жоржетто Жужаро яратган.
Эслатиб ўтамиз, Генерал Motor компанияси 2018 йилнинг январида Орландўни, сентябрда — Chevrolet Captiva’ни, декабрда эса — Malibu моделини GM Uzbekistan АЖ ишлаб чиқариш қувватларида йиғиш якунланганини эълон қилганди.
Изоҳ (0)