Фарғона вилояти Тошлоқ туманида Nexia 2 машинаси иштирокида юз берган йўл-транспорт ҳодисаси оқибатида автомобиль салонида бўлган йўловчи ҳаётдан кўз юмди. Бу ҳақда Фарғона вилояти ИИБ ахборот хизмати маълум қилди.
Хабар берилишича, 10 июль куни фуқаро У.Т. Nexia 2 автомашинасини «Қанжирға» маҳалласи ҳудудида бошқариб кетаётиб, бошқарувни йўқотган ва йўлнинг ўнг томонидаги тут дарахтига урилган. Оқибатда автомашинада бўлган йўловчи Э.И. тан жароҳати олиб, ҳодиса жойида вафот этган.
Мазкур ҳолат юзасидан Тошлоқ тумани ИИБ ҳузуридаги тергов бўлинмаси томонидан Жиноят кодексининг 266-моддаси 2-қисми (Транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, ҳозирда тергов ҳаракатлари олиб борилмоқда.
Қайд этиш жоизки, ҳодиса акс этган суратларда йўлнинг нотекис, тошли эканлигини кўриш мумкин.
Аввалроқ Ўзбекистонда 2020 йилнинг биринчи ярмида жами 2388 та йўл-транспорт ҳодисаси юз бергани ва уларнинг 650 таси ўлим билан якунлангани ҳақида хабар берилганди.
Мавзуга доир:
- Қашқадарёда юк автомобили ва Орландо тўқнашди. 2 киши воқеа жойида вафот этди, 4 киши оғир аҳволда шифохонага ётқизилган
- Тошкентда Lacetti Бўрижар каналига тушиб кетди. Ҳайдовчи воқеа жойида вафот этди
- Бухорода маст ҳолда велосипед бошқарган отахон ЙТҲ қурбонига айланди
- Наманганда цемент ортилган Isuzu’нинг жарликка ағдарилиб кетиши оқибатида 2 киши ҳалок бўлди
Изоҳ (0)