eBay’da Ford F-600 yuk mashinasi bazasida yaratilgan xot-rod sotuvga qo‘yildi. Mashina uchun so‘nggi taklif etilgan narx 25,5 ming dollarni tashkil etmoqda, kimoshdi savdolari esa bir oydan so‘ng yakunlanadi.
Braziliyada 1959-yilda yig‘ilgan Ford F-600 modeliga dastlab sakkiz silindrga ega 4,8 litrli Ford Y-Block dvigateli o‘rnatilgan.
Hozirda esa 60 yoshli avtomobilni Amerikaning Detroit Diesel kompaniyasiga tegishli olti silindrli 6V53T motori harakatga keltiradi. U to‘rt pog‘onali Allison transmissiyasi yordamida boshqariladi. Sotuvchining so‘zlariga ko‘ra, xot-rodning maksimal tezligi soatiga 88,5 kilometrga teng.
Yuk mashinasi romlari kuchaytirilgan, yangi tormoz tizimiga va 15 litrli yog‘ilg‘i bakiga ega bo‘lgan. Faralaridan boshqa barcha optikasida yorug‘lik diodlardan foydalanilgan.
Biroq xot-rodning muhim bir detali yetishmaydi: spidometr. Sotuvchi nima sababdan u olib tashlangani va nega yangisi o‘rnatilmaganini izohlamagan. Buning o‘rniga u mashinaning yangi egasiga Google Maps navigator kabi maxsus ilovadan foydalangan holda uning tezligini o‘lchab ko‘rishni maslahat bergan.
Izoh (0)