15 июлдан бошлаб Россияга келган одамлар учун 14 кунлик мажбурий изоляция режими бекор қилинади. Бу ҳақда Meduza нашри хабар қилди.
Мамлакатга ташриф буюрувчиларда Россияга келишидан уч кун олдин ёки келгандан сўнг уч кун ичида олинган COVID-19 учун манфий жавобли тест сертификати бўлиши керак. Манфий тест жавоби ёки саломатлиги ёмонлашиши билан улар ўзларини изоляция қилишлари керак бўлади.
Россия фуқаролари эса хориждан мамлакатга қайтгандан кейин уч кун ичида коронавирусга тест топширишлари лозим.
Маълумот учун, 18 мартдан Россияга келганлар учун мажбурий икки ҳафталик карантин жорий этилган эди. Март ойи охирида Россия чет элликлар учун чегарани ёпди. Русларга мамлакатга қайтишга рухсат берилди, аммо шундан кейин улар 14 кунлик карантинга олинар эди.
Ўтган ҳафта бош вазир ўринбосари Татьяна Голикова 15 июлдан бошлаб Россия бошқа давлатлар билан ҳаво алоқалари бўйича музокараларни бошлашини маълум қилди.
Изоҳ (0)