Тошкент шаҳрида Сағбон кўчасининг Фаробий кўчасидан Нурафшонгача бўлган қисмида таъмирлаш ишлари амалга оширилади, дея хабар берган пойтахт ҳокимлиги матбуот хизмати.
Хабарга кўра, Олмазор туманининг Сағбон кўчаси бир сутка давомида Фаробий кўчасидан Нурафшон кўчасигача бўлган қисмидаги йўл таъмирлаш ишлари сабабли ҳаракатланиш учун ёпилади.
Ҳокимлик ҳайдовчиларга вақтинча айланма йўллардан фойдаланишни тавсия қилган.
Аввал Беруний кўчасидан Фаробий кўчасигача бўлган йўлнинг бир қисми 2 июлдан бошлаб 14 кунга ёпилгани, Юнусобод туманида Аҳмад Дониш кўчасининг айрим қисмлари ҳам 3 июлдан бошлаб 14 кунга ёпиқ бўлиши ҳақида хабар берилган. Шунингдек, Абай ва Абдулла Қодирий кўчаларида транспорт ҳаракати вақтинча чеклангани, 4 июлдан 24 июлга қадар Чилонзор кўчасининг Муқимий кўчасига туташган жойидан Новза кўчасигача туташган ҳудуди транспорт воситалари ҳаракати учун беркитилиши ҳам хабар қилинган.
Изоҳ (0)