7 июль куни Қозоғистон—Ўзбекистон чегарасидаги «Жибек жоли»—«Ғишткўприк» назорат-ўтказиш пункти орқали фуқароларни ўтказиш техник муаммолар туфайли чекланган миқдорда амалга оширилгани, оқибатда 3000 дан ортиқ Ўзбекистон фуқаролари чегара яқинида тўпланиб қолгани тўғрисида хабар берилганди. Ўзбекистон Президентининг топшириғи билан Республика махсус комиссияси, ДХХ Чегара қўшинлари ва Ўзбекистоннинг Қозоғистондаги дипломатик ваколатхоналарининг биргаликдаги саъй-ҳаракатлари натижасида 8 июль куни фуқароларнинг чегарадан эркин ўтишига тўсқинлик қилувчи барча техник ва ташкилий масалалар тезкорлик билан ҳал қилинди.
Маълумотларга кўра, 8 июль куни кечқурун ва 9 июль куни «Жибек жоли»—«Ғишткўприк» назорат-ўтказиш пунктидан 3746 нафар фуқаро ўтказилган.
Эслатиб ўтамиз, 7 июлда Қозоғистон билан чегарани кесиб ўтиш учун Самарада яна 1,2 минг ўзбекистонлик тўплангани, кейинчалик Ўзбекистонга қайтиш учун Россия—Қозоғистон чегарасида 2000 дан ортиқ фуқаро тўплангани ҳақида хабар берилган. Президент Шавкат Мирзиёев 8 июль кунги видеоселекторда коронавирус пандемияси ва кучайтирилаётган карантин масаласида халққа мурожаат қилиб, «чет элда қолган фуқаролар, албатта, олиб келиниши»ни маълум қилганди.
Изоҳ (0)