Toshkent shahrining ayrim ko‘chalarida ta’mirlash ishlari olib borilishi sababli transport harakati cheklanadi, deya xabar beradi shahar hokimligi.

Foto: Toshkent shahar hokimligi

6-iyul soat 14:00 dan boshlab ikki sutka davomida Toshkentning ayrim manzilgohlarida yo‘l ta’mirlash ishlari olib boriladi:

  • Abay ko‘chasining Alisher Navoiy ko‘chasidan Zulfiyaxonim ko‘chasigacha bo‘lgan qismi;
  • Abdulla Qodiriy ko‘chasining Abay ko‘chasidan Zarqaynar va Sag‘bon ko‘chalari kesishmasidagi aylanma yo‘lgacha bo‘lgan qismi.

Bu jarayonda mazkur yo‘nalishlarda yo‘l qatnov qismining faqat bitta chizig‘i avtomobillar harakatlanishi uchun ochiq bo‘ladi.

Tirbandliklarning oldini olish maqsadida haydovchilarga aylanma yo‘llar orqali harakatlanish tavsiya etiladi.