Бугун,

  • USD 11095.31
  • RUB 173.84
  • EUR 10772.44

Бухоро вилоятида Damas русумли тез тиббий ёрдам автомашинаси иштирокида содир этилган йўл-транспорт ҳодисаси оқибатида икки киши ҳалок бўлгани тўғрисида хабар берилганди. ИИВ ЙҲХББнинг маълум қилишича, авария машина ҳайдовчисининг уйқусираши оқибатида юзага келган.

Фото: ИИВ ЙҲХББ ахборот хизмати

Фото: ИИВ ЙҲХББ ахборот хизмати

«7 июль куни эрта тонгда ёрдамга чақирилган тез тиббий ёрдам ходимлари беморга ёрдам кўрсатиш учун йўлга отланган. Аммо уйқусираган ҳар икки ходим йўлда назоратни йўқотган ва мудҳиш воқеа қурбонига айланган», — дейилади хабарда.

Йўл-транспорт ҳодисаси соат 05:25 ларда Бухоро вилояти ҳудудидан ўтган А-380 Ғузор—Бухоро—Нукус—Бейнеу автомобиль йўлининг 345-километрида содир бўлган. 32 ёшли Й.П бошқарувида бўлган Damas йўл четида тўхтаб турган Isuzu русумли юк автомашинасининг орқа қисмига бориб урилган.

Олинган тан жароҳатлари оқибатида ҳайдовчи ва машина ичида бўлган ҳамшира воқеа жойида вафот этган.

Мазкур ЙТҲ юзасидан Пешку тумани ИИБ ҳузуридаги Тергов бошқармаси томонидан Жиноят кодексининг 266-моддаси 3-қисми «а» банди (Одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, дастлабки тергов ҳаракатлари олиб борилмоқда.

Маълум қилинишича, Бухоро вилояти ИИБ ЙҲХБ ҳамда вилоят Соғлиқни сақлаш бошқармаси мутассадилари иштирокида келгусидаги бу турдаги кўнгилсиз ҳодисаларнинг олдини олиш мақсадида кенг миқёсда профилактик тадбирлар амалга оширилган.

Изоҳ
Asosiy yangiliklar
Маҳаллий
Наманганда ижтимоий тармоқларда сўкинган аудиоси тарқалган туман ҳокимига ҳайфсан берилди
Маҳаллий
Туркиянинг TRT канали Лувр музейидан Катта Лангар Қуръони намойишига оид репортаж тайёрлади (видео)
Маҳаллий
Ковиднинг янги варианти болалар ва ҳомиладорларда қандай кечмоқда?