Хоразмда коронавирусдан илк ўлим ҳолати қайд этилди. Ўзбекистонда касалликдан вафот этганлар 57 нафарга етди

Хоразмлик коронавирусга чалинган бемор ўткир нафас ва юрак-қон томир етишмовчилигидан вафот этди. Бу ҳақда Соғлиқни сақлаш вазирлиги хабар бермоқда.

Хоразм вилояти Шовот туманида яшовчи 56 ёшли Д.С. исмли эркак бир ҳафта давомида тана ҳарорати кўтарилиб, ҳолсиз бўлган.

Сўнгра бемор вилоят юқумли касалликлар шифохонасига ётқизилган. Унга COVID-19 инфекцияси оғир кечиши, икки томонлама пневмония ташхиси қўйилган.

Шунингдек, у юрак ишемик касаллиги, гипертония касаллиги билан ҳам оғриган. Хасталик ўткир нафас ва ўткир юрак-қон томир етишмовчилиги асоратлари билан кечган.

Шифохонада беморнинг даволаниши давомида шифокорлар томонидан онлайн консультация ва консилиумлар қилинган, даволаш жараёни мутахассислар тавсияси асосида олиб борилган.

Бироқ шифокорлар томонидан стандартлар асосида ўтказилган реанимацион муолажаларга қарамасдан беморнинг аҳволи кескин оғирлашиб, ўткир нафас ва юрак-қон томир етишмовчилигидан вафот этди.

56 ёшли эркак коронавирусдан вафот этган Хоразмдаги биринчи, Ўзбекистондаги 57-бемор бўлди. Ўлим ҳолати қайд этилмаган фақат Андижон ва Сирдарё вилоятлари қолди.

Бунгача Ўзбекистонда 56 киши коронавирус инфекцияси асоратлари оқибатида:

• 27 март куни Наманган вилоятида Умрадан қайтган қизидан коронавирус юқтириб олган 72 ёшли онахон миокард инфарктидан (унинг жанозасида қариндошларидан ҳеч ким иштирок этмаган);
• 28 март куни Тошкент шаҳрида ўзини уйда даволашга уринган 39 ёшли (эркак) шифокор коронавирус инфекциясидан;
• 7 апрель куни Тошкентда коронавирусга чалинган чирчиқлик 40 ёшли Ш. исмли эркак юрак ва ўпка етишмовчилигидан;
• 11 апрель куни хориж сафаридан коронавирусга чалиниб қайтган фарғоналик 59 ёшли Н. исмли аёл ўткир респиратор дистресс синдром, ўткир нафас етишмовчилиги ҳамда ўпка-юрак етишмовчилиги оқибатида;
• 18 апрель куни Тошкент шаҳрида 77 ёшли А. исмли аёл коронавирус инфекцияси асоратлари — икки томонлама бронхопневмониянинг оғир кечиши, ўткир нафас етишмовчилиги ва ўпка шишидан;
• 21 апрель куни Наманган шаҳрида яшаган 73 ёшли Ш. исмли эркак юрак-қон томир етишмовчилигидан;
• 22 апрель куни Наманган шаҳрида яшаган 54 ёшли Г. исмли аёл ўткир нафас ва юрак-қон томир етишмовчилигидан;
• 24 апрель куни Тошкентда ангренлик Ф. исмли аёл ўткир нафас, ўпка-юрак ва полиорган етишмовчилигидан;
• 29 апрель куни Тошкентда 61 ёшли Г. исмли бемор ўткир респиратор дистресс синдром, ўткир нафас етишмовчилиги, ўпка-юрак етишмовчилигидан;
• 3 май куни Наманганда М. исмли эркак ўткир нафас ва юрак-қон томир етишмовчилигидан;
• 13 май куни Самарқандда коронавирусга чалинган Ў. исмли иккинчи гуруҳ ногирони ўткир нафас ва юрак-қон томир етишмовчилигидан;
• 17 май куни коронавирусга чалингани Сурхондарёда аниқланган сирдарёлик И. исмли ҳайдовчи юрак-қон томир ва ўткир нафас етишмовчилигидан;
• 18 май куни Тошкентда самарқандлик I. исмли бемор юрак-қон томир ва ўткир нафас етишмовчилигидан;
• 26 май куни Самарқанд вилоятининг Пахтачи туманида яшаган ва коронавирусга чалинган 63 ёшли бемор ўткир нафас ва юрак-қон томир етишмовчилигидан;
• 31 май куни Тошкент шаҳрида истиқомат қилган ва коронавирусга чалинган 63 ёшли Х. исмли аёл бош мия қон айланишининг ўткир бузилиши, ўпка-юрак етишмовчилигидан;
• 3 июнь куни Тошкент шаҳрида истиқомат қилган ва коронавирусга чалинган 72 ёшли М. исмли эркак ўпка-юрак етишмовчилиги, бош мия қон айланишининг ўткир бузилишидан;
• 6 июнь куни Тошкент шаҳрида истиқомат қилган ва коронавирусга чалинган 70 ёшли Ш. исмли эркак мия шиши, ўткир нафас ва юрак-қон томир етишмовчилигидан;
• 8 июнь куни Тошкентда коронавирусга чалинган 76 ёшли Х. исмли эркак ўткир нафас ва юрак-қон томир етишмовчилигидан;
• 10 июнь куни Тошкентга Санкт-Петербургдан чартер рейсда келган самарқандлик А. исмли эркак ўткир нафас ва юрак-қон томир етишмовчилигидан;
• 25 июнь куни Денов шаҳрида яшаган 59 ёшли Б.Х. исмли аёл юрак-қон томир ва ўпка етишмовчилигидан (ушбу бемор 20 июнда вафот этгани ҳақида Денов тумани ҳокими 21 июнь куни маълум қилганди);
• 28 июнь куни Юқори Чирчиқдаги карантин зонасида коронавирус юқтириб олган тошкентлик 52 ёшли А.У. исмли шифокор миокард инфаркти, ўткир нафас ва юрак-қон томир етишмовчилигидан (ушбу бемор 26 июнь куни вафот этган);
• 28 июнь куни Тошкентда 42 ёшли Д.Х. исмли эркак бош мия қон айланишининг ўткир бузилиши, ўткир нафас ва ўпка-юрак етишмовчилигидан;.
• 29 июнь куни Бухорода 58 ёшли М.С. исмли аёл ўткир юрак-қон томир ва нафас етишмовчилигидан;
• 29 июнь куни Жиззах вилоятида 72 ёшли Қ.Р. исмли эркак ўткир миокард инфаркти, юрак-қон томир ва нафас етишмовчилигидан
• 30 июнь куни Жиззах вилоятида 70 ёшли Ф.О. исмли аёл ўткир миокард инфаркти, юрак-қон томир ва нафас етишмовчилигидан;
• 30 июнь куни Тошкентда қорақалпоғистонлик 62 ёшли Б.Й. исмли эркак ўпка ва ўткир нафас етишмовчилигидан
• 1 июль куни Қашқадарёда 64 ёшли С.Ҳ. исмли эркак ўткир юрак-қон томир ва нафас етишмовчилигидан (у 29 июнь куни оламдан ўтган);
• 3 июль куни Тошкентда 59 ёшли Ғ.Б. исмли эркак ўткир юрак-қон томир ва ўпка етишмовчилигидан (у 2 июль куни оламдан ўтган);
• 3 июль куни Тошкентда саратон касаллигидан даволаниб келган 77 ёшли аёл ўткир юрак-қон томир ва ўпка етишмовчилигидан (у 2 июль куни оламдан ўтган);
• 4 июль куни Тошкентда 65 ёшли эркак В.М. ўпка артерияси тромбоэмболияси, ўткир нафас ва юрак етишмовчилигидан (у 3 июль куни вафот этган);
• 4 июль куни Бухорода 35 ёшли Д.Ш. ўткир нафас ва юрак етишмовчилигидан (у 3 июль куни вафот этган);
• 5 июль куни Тошкентда 71 ёшли М.Г. исмли аёл ўткир юрак-қон томир ва ўпка етишмовчилигидан;
• 5 июль куни Тошкентда 45 ёшли З. исмли эркак ўткир юрак-қон томир ва ўпка етишмовчилигидан;
• 5 июль куни Тошкентда 49 ёшли Н.У. исмли аёл икки томонлама пневмония, ўткир нафас ва юрак-қон томир етишмовчилигидан;
• 6 июль куни Тошкентда 67 ёшли Л.М. исмли эркак ўткир юрак-қон томир ва нафас етишмовчилигидан;
• 6 июль куни Тошкентда 43 ёшли А. исмли эркак ўткир нафас ва юрак-қон томир етишмовчилигидан;
• 6 июнь куни Тошкентда 86 ёшли З.Р. исмли аёл мия шиши, ўткир юрак-қон томир ва нафас етишмовчилигидан;
• 7 июль куни Самарқандда 61 ёшли О.Н. исмли аёл ўткир нафас ва юрак-қон томир етишмовчилигидан;
• 7 июль куни Тошкентда 79 ёшли Х.Б. исмли эркак ўткир юрак-қон томир ва нафас етишмовчилигидан;
• 7 июль куни Навоийда 38 ёшли Х.Ш. исмли эркак ўткир юрак-қон томир ва нафас етишмовчилиги, ўткир бош мия ва ўпка шишидан
• 8 июль куни Тошкентда 64 ёшли аёл ўткир нафас ва юрак-қон томир етишмовчилигидан
• 8 июль куни Тошкентда 64 ёшли Б.К.нинг ўткир юрак қон-томир ва нафас етишмовчилигидан; 
• 8 июль куни Қорақалпоғистонда 56 ёшли З.Д. исмли аёл ўткир юрак-қон томир ва нафас етишмовчилигидан;
• 8 июль куни Навоий шаҳрида яшовчи 52 ёшли Б.А. исмли эркакнинг ўткир юрак-қон томир ва нафас етишмовчилиги, ўткир бош мия ва ўпка шиши оқибатида;
• 8 июль куни Тошкент шаҳрида 72 ёшли Л.С. исмли аёл ўткир юрак-қон томир ва нафас етишмовчилигидан;
• 9 июль куни Бухорода 40 ёшли афғонистонлик М.Ҳ. исмли эркак ўткир юрак-қон томир ва нафас етишмовчилигидан;
• 9 июль куни Тошкентнинг Учтепа туманида яшовчи 83 ёшли Ш.Т. исмли аёл ўткир юрак-қон томир ва нафас етишмовчилигидан;
• 9 июль куни Тошкент шаҳри Шайхонтоҳур туманида яшовчи 51 ёшли Р.Н. исмли эркак ўткир юрак- қон томир ва нафас етишмовчилигидан;
• 9 июль куни Жиззах шаҳрида яшовчи 28 ёшли М.О. исмли аёл ўткир юрак-қон томир ва нафас етишмовчилигидан;
• 9 июль куни Бухоро вилоятида яшовчи 53 ёшли Н.С. исмли аёл ўткир нафас ва юрак-қон томир етишмовчилигидан;
• 9 июль куни Сурхондарё вилоятида яшовчи 35 ёшли С.С. исмли эркак ўткир юрак-қон томир ва нафас етишмовчилигидан;
• 10 июль куни Навоий вилояти Зарафшон шаҳрида яшовчи 55 ёшли Ж.Ў. исмли эркак ўткир юрак-қон томир ва нафас етишмовчилигидан
• 10 июль куни Сурхондарё вилояти Термиз шаҳрида яшовчи 67 ёшли Р.А. исмли эркак миокард инфаркти, ўткир юрак-қон томир ва нафас етишмовчилигидан;
• 10 июль куни Тошкент вилоятида пойтахтлик 69 ёшли В.М. исмли эркак миокард инфаркти, ўткир юрак-қон томир ва нафас етишмовчилигидан;
• 11 июль куни Тошкент шаҳрида 50 ёшли Р.Ю. исмли аёл ўткир юрак-қон томир ва нафас етишмовчилигидан;
• 11 июль куни Тошкент шаҳрида яшовчи 66 ёшли М.Р. исмли аёл ўткир нафас ва юрак-қон томир етишмовчилигидан вафот этгани тўғрисида хабар берилганди.