Ярим ўрта вазн тоифасида UFC жангчиси Хорхе Масвидал чемпион Камару Усмон билан бўладиган жанги олдидан ўз фикрлари билан ўртоқлашди.
«Рақибимнинг имкониятларига ишонмайман. Эҳтимол, бошқа ҳар қандай рақиб билан жангга олти кун қолганида розилик беришдан олдин ўйлаб кўрган бўлардим, аммо бу умуман бошқа ҳолат.
Усмоннинг 17 хил шахси бор, жанг пайтида қайси бири билан тўқнаш келишимни билмайман. Шунингдек, мен уни иродасиз деб ҳисоблайман.
Камару реклама қилинаётгани каби яхши жангчи эмас. Буни исботлаш учун бу ерга келдим», — дейди Масвидал.
Қайд этиш жоиз, Масвидал UFC 251 мусобақасида коронавирусга чалинган Гильберт Бёрнснинг ўрнини эгаллаган.
Эслатиб ўтамиз, Камару Усмон ва Хорхе Масвидал ўртасидаги жанг Тошкент вақти билан 12 июнь куни бўлиб ўтади.
Хорхе Масвидал рақибини 5 сония ичида нокаутга учратган, ўша жангни томоша қилинг!
Изоҳ (0)