«Реал» ҳужумчиси Карим Бензема Испания чемпионатининг июнь ойидаги энг яхши ўйинчиси деб топилди. Бу ҳақда лига матбуот хизмати маълум қилди.
32 ёшли франциялик футболчи июнь ойида Ла Лигада бешта ўйинда қатнашди. Уларда Карим учта гол ва битта голли узатмани ўз ҳисобига ёздириб қўйган.
Ушбу ном учун шунингдек, «Атлетико» ярим ҳимоячиси Маркос Льоренте ва «Вильярреал» футболчиси Херар Морено кураш олиб борганди.
Бензема Примера 34-туридан сўнг 17 та гол билан тўпурарлар пойгасида иккинчи ўринда кетмоқда. Шунингдек, унинг ҳисобида Ла Лига жорий мавсумида еттита ассист ҳам бор.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)