Ўзбекистонда 7 соат ичида коронавирусга чалиниш бўйича 196 та ҳолат аниқланди. Касалланганлар сони 12 400 нафардан ошди

Ўзбекистонда 11 июль соат 17:00 ҳолатига кўра, коронавирус инфекцияси қайд этилганлар сони 196 кишига кўпайиб, касалланганларнинг умумий сони 12 402 нафарга етди. Бу ҳақда Соғлиқни сақлаш вазирлиги хабар берди.

Янги касалланган беморларнинг

• 124 нафари карантин марказидаги фуқаролар (барчаси хориждан келган) орасида;
• 37 нафари Самарқанд вилоятида коронавирусга чалинганлар билан мулоқотда бўлиб, карантинга олинган фуқаролар орасида;
• 20 нафари Тошкент шаҳрида (шундан 2 нафари коронавирусга чалинганлар билан мулоқотда бўлиб, карантинга олинган фуқаролар орасида, 18 нафари аҳоли орасида);
• 15 нафари эса Бухоро вилоятида аҳоли орасида аниқланган.

Аввалроқ Ўзбекистонда 11 июль соат 10:00 ҳолатига кўра, коронавирус инфекцияси қайд этилганлар сони 179 кишига кўпайиб, касалланганларнинг умумий сони 12 206 нафарга етгани ҳақида маълумот берилганди.

Эслатиб ўтамиз, айни пайтга қадар мамлакатда 7540 нафар коронавирус инфекциясига чалинган фуқаро соғайган. Эпидемия бошланганидан бери касаллик оқибатида вафот этган беморлар сони эса 56 нафарга етган.