Италиянинг Оффаня шаҳрида ноодатий кўнгилсиз ҳодиса содир бўлди: Ford Focus эгасига машинани белгиланган тезликдан 10 баробар оширгани тўғрисида жарима келган. Йўл камераси томонидан қайд этилган маълумотларга кўра, аёл машинани соатига 703 километр тезликда бошқарган, деб хабар беради Motor.
Ушбу маълумот ҳақиқатга тўғри келмайди, чунки Ford Focus’нинг автомобиль ишлаб чиқарувчи томонидан эълон қилинган максимал тезлиги 250 км/соатга тенг, шу сабабли машина бундан уч баробар тезкор ҳаракатланишга қодир эмас. Бироқ маҳаллий полициячиларни ушбу рақамлар ҳайратга солмаган кўринади ва улар аёлга 850 евро миқдорида жарима ёзиб берган.
2003 йилдан буён Италияда балл тизим амалда: ҳайдовчилик гувоҳномасини олган фуқарога автоматик равишда 20 балл беради. Агарда ҳайдовчи йўл қоидаларини бузса баллар камайиб боради. Focus’да «учган» аёл эса бир вақтнинг ўзида 10 баллидан айрилган. Ҳайдовчи бу ҳолатдан норози ва судга мурожаат қилиш ниятида.
Изоҳ (0)