Italiyaning Offanya shahrida noodatiy ko‘ngilsiz hodisa sodir bo‘ldi: Ford Focus egasiga mashinani belgilangan tezlikdan 10 barobar oshirgani to‘g‘risida jarima kelgan. Yo‘l kamerasi tomonidan qayd etilgan ma’lumotlarga ko‘ra, ayol mashinani soatiga 703 kilometr tezlikda boshqargan, deb xabar beradi Motor.

Ushbu ma’lumot haqiqatga to‘g‘ri kelmaydi, chunki Ford Focus’ning avtomobil ishlab chiqaruvchi tomonidan e’lon qilingan maksimal tezligi 250 km/soatga teng, shu sababli mashina bundan uch barobar tezkor harakatlanishga qodir emas. Biroq mahalliy politsiyachilarni ushbu raqamlar hayratga solmagan ko‘rinadi va ular ayolga 850 yevro miqdorida jarima yozib bergan.

2003-yildan buyon Italiyada ball tizim amalda: haydovchilik guvohnomasini olgan fuqaroga avtomatik ravishda 20 ball beradi. Agarda haydovchi yo‘l qoidalarini buzsa ballar kamayib boradi. Focus’da “uchgan” ayol esa bir vaqtning o‘zida 10 ballidan ayrilgan. Haydovchi bu holatdan norozi va sudga murojaat qilish niyatida.