Нафақат ташқи кўринишингиз, балки саломатлигингиз учун ҳам қуйидаги косметик воситалардан фақат ўзингиз фойдаланишингиз керак.
Киприкларга суртиш учун мўлжалланган туш
Оқибати нима бўлиши мумкин? Конюктивит.
Нима учун? Териникидек ҳимоя функцияси бўлмагани сабаб ҳам, кўз шиллиқ қаватининг бактериялар билан зарарланиши эҳтимоли кўп. Гигиенага риоя қилмаслик ва бир воситадан икки киши фойдаланиши оқибатида эса конюктивит келиб чиқиши мумкин.
Макияж учун мўлжалланган чўтка
Оқибати нима бўлиши мумкин? Сўгал ёки ҳуснбузарлар тошиши.
Нима учун? Намлик микроблар учун қулай шароит ҳисобланади. Ювиниш хонаси ҳароратида турган чўткалар эса микроблар кони бўлиши мумкин. Шу сабаб шахсий воситаларни бировга бермаслик ва олмаслик тавсия қилинади.
Банкали идишдаги косметик воситалар
Оқибати нима бўлиши мумкин? Терига тошма тошиши.
Нима учун? Бундай идишдаги кремдан фойдаланиш учун аввалига қўлни яхшилаб ювиш керак, бошқа одам олганида эса қўлида қанча бактериялар борлиги ҳаммага маълум.
Лаб бўёғи ёки блеск
Оқибати нима бўлиши мумкин? Учуқ тошиши.
Нима учун? Лаб териси жуда ҳам нозик ва сезувчанлиги учун ҳам лаб терисининг кўчиши ва қуриши ҳолатлари кўп кузатилади. Бу эса инфекция кириши учун қулай шароит яратади. Шу сабаб ҳам лаб бўёғингизни бировга бера кўрманг.
Линза
Оқибати нима бўлиши мумкин? Кўзнинг инфексион касалликларига олиб келиши мумкин.
Нима учун? Юқорида таъкидланганидек кўз шиллиқ қавати жуда ҳам нозик. Шу сабаб ҳам шахсий кўз линзаларни ҳеч кимга бериш тугул, ўзингиз тегинганда ҳам қўлни яхшилаб ювиб фойдаланиш ва яллиғланишни олдини олиш тавсия қилинади.
Изоҳ (0)