Сўнгги йилларда «Реал» ўз академияси тарбияланувчиларини трансфер қилиш орқали яхшигина даромад кўрмоқда.
Марса нашри хабарига кўра, охирги йилларда Мадрид клуби битирувчиларни сотишдан оладиган пул миқдори кескин ўсган. Клуб 2016—2020 йиллар оралиғида ўз академияси тарбияланувчиларини сотиш орқали жами 246 миллион евро даромад кўрган.
Амалга оширилган топ-5 та трансфернинг барчаси охирги тўрт йилга тўғри келади. Булар — Альваро Мората, Маркос Льоренте, Хесе, Рауль де Томас ва Ашраф Ҳакими.
Мората «Реал»нинг энг қиммат тарбияланувчиси ҳисобланади, «Челси» уни 2017 йилда 66 миллион евро эвазига сотиб олган. Ушбу ёзда эса Ҳакими 40+5 миллион еврога «Интер»га бориб қўшилди. «Атлетико» 2019 йилда Льорентенинг трансфери учун 30 миллион евро тўлаган бўлса, 2016 йилда Хесе Родригес 25 миллион еврога ПСЖга ўтган. Шунингдек, Рауль де Томас 2019 йилда «Бенфика»га 20+2 миллион еврога ўтган.
Бундан ташқари, «Реал» академия тарбияланувчилари иштирокида унчалик ҳам катта бўлмаган бир нечта кичик битимларни амалга оширган. Мисол учун, Денис Черишев («Валенсия») 7 миллион евро, Мариано Диас («Лион») 8 миллион евро, Диего Льоренте («Реал Сосьедад») 7 миллион евро ва Омар Маскарел («Шальке-04») 10 миллион евро.
Мавзуга доир: Расман: «Реал» футболчиси «Интер»га ўтди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)