«Барселона» ҳужумчиси Луис Суарес Ла Лиганинг 35-туридан ўрин олган «Эспаньол»га қарши ўйинда (1:0) ўз номига гол ёздириб қўйди.
Бу уругвайлик футболчи учун «Барселона» либосидаги 195-гол бўлди. Шу тариқа Суарес Ладислао Кубалани (194 та гол) ортда қолдириб, клубнинг энг яхши тўпурарлари рўйхатида 3-ўринга кўтарилиб олди.
1-ўринни Лионель Месси (630 та гол) эгаллаб турган бўлса, 2-поғонадан Сесар Родригес (232) жой олган.
Луис Суарес 2014 йилдан бери каталон клуби шарафини ҳимоя қилиб келади. Бу мавсумда унинг ҳисобида 25 та ўйин, 15 та гол ва 8 та голли узатма бор.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)