Rasman: “Real” futbolchisi “Inter”ga o‘tdi

“Real Madrid” himoyachisi Ashraf Hakimi faoliyatini “Inter”da davom ettiradigan bo‘ldi.

“Inter” matbuot xizmati xabariga ko‘ra, marokashlik 21 yoshli himoyachi “Inter” bilan 5 yillik bitim imzolagan.

Qayd etilishicha, Hakimi uchun Milan klubi “Real”ga 40 million yevro to‘laydi. Bundan tashqari futbolchining ishtirokiga qarab, madridliklar turli xil bonuslarga ham ega bo‘ladi.

Ashraf “Inter”da yiliga 5 million yevro maosh oladi.

Ma’lumot uchun, Hakimi “Real” tarbiyalanuvchisi hisoblanadi. U klub tizimida 2006-yildan beri harakat qilib kelardi. Bosh jamoa safida esa 9 ta o‘yin o‘tkazib, 2 ta gol urgan.

So‘nggi ikki mavsumni bo‘lsa, himoyachi ijara asosida Dortmundning “Borussiya” klubida o‘tkazdi. Hakimi 2019/20-yilgi mavsumda Bundesliganing 32 ta o‘yinida qatnashib, 5 ta gol urdi va 10 ta golli uzatmani amalga oshirdi.