Ўзбекистон терма жамоаси собиқ бош мураббийи Владимир Сальков 9 июль куни 83 ёшида вафот этди. Бу ҳақда Ўзбекистон футбол ассоциацияси матбуот хизмати маълум қилди.
Россиялик мутахассис 2000—2001 йиллар мобайнида Ўзбекистон терма жамоасига бош мураббийлик қилган. Ўзбекистон терма жамоаси унинг қўл остида 19 та ўйин ўтказиб, уларнинг ўнтасида ғалаба қозонган (3 дуранг, 6 мағлубият).
Футболчилик фаолиятини «Крилья Советов»да бошлаган Сальков кейинчалик Донецкнинг «Шахтёр» клубида ўйнайди ва фаолиятини ўша ерда тугатади. Мутахассис мураббий сифатида «Металлург» (Жданов), «Шахтёр», «Торпедо» (Москва) ва «Ротор» клубларида ишлаган. Шунингдек, Владимир СССР олимпия ва терма жамоаси ҳамда Россия олимпия терма жамоасига устозлик қилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)