«Дарё»ни Telegram’да ўқинг! Join!
14:27, 09.07.2020 75612

Фото: Араб шайхларининг стереотипларни ўзгартириб юборган гўзал рафиқалари

Яқин Шарқда яшовчи аёллар паранжига ўраниб олиб, фақат эрлари билан кўчага чиқади, деган фикр бор. Бу эскирган стереотип. Аслида араб аёллари ташқи кўриниши ва кийинишига эътибор беради, чиройли кийим ҳамда макияж билан кўчага чиқади. Қуйида араб аёллари ҳақидаги стереотипларни ўзгартириб юборган маликалар ҳақида сўз юритамиз.

Рания ал-Абдулла

Фото: Grazia Magazine

Рания ал-Абдулла 21 йилдан буён Иордания қироличаси ҳисобланади. 31 августда 50 ёшни қаршилайдиган ушбу аёл қиёфасига назар ташлаб, унинг нафақат гўзаллиги, балки ёш кўринишига мафтун бўлиш ҳеч гап эмас. Сочининг қалин жингалак қилиб турмакланиши, ошириб юборилмаган макияж ва мукаммал қадди-қомати уни анча ёш кўринишига сабабчи ҳисобланади.

Моза бинт Носир ал-Миснид

Фото: Grazia Magazine

Қатар собиқ амирининг рафиқаси Моза бинт Носир ал-Миснид 60 ёш эканига ва 7 фарзанди борлигига ишониш қийин. Ушбу латофатли аёл нафақат чиройи, балки кийиниш борасидаги диди билан ҳам ҳамиша эътироф этилган. У доим ўзига хос либос ва ёрқин бош кийимида намоён бўлади.

Ҳайя бинт ал-Ҳусейн

Фото: Grazia Magazine

Ҳайя нафақат Иордания маликаси, балки Дубай амирининг турмуш ўртоғи ҳамдир. Келиб чиқиши қироллик оиласи билан боғлиқ бўлган Ҳайянинг ташқи кўриниши киши кўзини қувнатади. Қалин малла сочлари, келишган қадди-қомати ва латофатли табассуми билан Шарқнинг машҳур аёлларидан ажралиб туради.

Лалла Салма

Фото: Grazia Magazine

Марокаш қиролининг турмуш ўртоғи бўлган Лалла қизғиш сочлари ва истарали қиёфаси билан ўзига хосдир. У ортиқча макияж қилмаслиги, дидли кийиниши билан ОАВ эътибори марказида ҳисобланади.

Амира ат-Тавил

Фото: Grazia Magazine

Саудия Арабистони маликаси бўлган Амира кўп ҳолларда малика Жасминга ўхшатилади. У Шарқнинг энг гўзал аёлларидан бири ҳисобланади. Малика ёрқин макияж қилиш, айниқса лабларига қирмизи тус беришни хуш кўради. Узун ва қалин сочлари эса унинг чиройига чирой қўшади.

Дина Абдулазиз ас-Сауд

Фото: Grazia Magazine

Яна бир Саудия маликаси Дина дунёнинг энг дидли кийинадиган аёлларидан бири ҳисобланади. Шу сабаб ҳам 2016 йилда Vogue Arabia’нинг бош муҳаррири этиб тайинланган. Дина ёрқин макияж қилишни ёқтирмайди, лекин соч турмагини мунтазам равишда ўзгартириб туради.

Изоҳ қолдиришдан аввал, қоидалар билан танишиб олинг: http://dy.uz/sBU7c