Iordaniya qirolichasi Raniya al-Abdullaning kiyinish uslubi ayollarga xos latofatli va shu bilan birga zamonaviyligi bilan e’tirof etib kelinadi. Qirolicha kiyinishida o‘ziga xos 7 jihat mavjud bo‘​lib, Cosmopolitan nashri ular nimadan iboratligiga e’tibor qaratdi.

Foto: Getty Images

Kamar

Foto: Getty Images

Raniya garderobida ushbu aksessuarning turli hajm, shakl va ranglisini uchratsa bo‘​ladi. Kamarni ko‘ylak, bluzka, yubka va boshqa liboslar ustidan moslab kiyishini kuzatish mumkin. Ushbu aksessuar bilan qirolichaning qaddi-qomati nazokatli, bel qismi esa nozik ko‘rinadi.

Milliy liboslar

Foto: Getty Images

Qirolicha hamisha zamonaviy ko‘ringani bilan milliy naqsh va printlar tushirilgan liboslar kiyishni kanda qilmaydi. Boshqa birinchi xonimlarga qaraganda Raniya obrazini sumkalar bilan mukammallashtirishni yoqtiradi. U Fendi, Saint Laurent, Lanvin, Louis Vuitton va Bottega Veneta brendlari sumkalarini yaxshi ko‘radi.

Yelka qismi keng liboslar

Foto: Getty Images

Qirolicha bunday uslubda kiyinish orqali ayollarga xos latofatni yana bir bor o‘zida aks ettiradi. Asosan, yelka qismi keng bo‘lgan koftalarni kiyishni xush ko‘radi va bunday kofta bilan to‘g‘ri bichimli, qaddi-qomatni aks ettiradigan yubka kiyib, kiyinish borasidagi muvozanatga rioya qiladi.

O‘ziga xos yubkalar

Foto: Getty Images

Yorqin rangli, turli bichimdagi, printlari ham bir-biriga o‘xshamaydigan yubkalar Raniya garderobida qalashib yotgan bo‘lsa, ne ajab. U ba’zida tizzadan sal pastda, ba’zida esa tovonni yopadigan uzunlikdagi yubkalarda namoyon bo‘ladi. Yubkani bluzka, top yoki vodolazkalar bilan moslaydi.

Burma hoshiyali bluzkalar

Foto: Getty Images

Qirolicha klassik uslubdagi liboslardan tashqari, hoshiyasi burma yoki bantli bluzkalar kiyishni ham xush ko‘radi. Bunday uslubda, asosan, rasmiy uchrashuvlarda kiyinadi.

Uchli tufli

Foto: Getty Images

Iordaniya qirolichasi 99% vaziyatda uchli tufli kiyadi. Uning arsenaliga nazar tashlansa, tuflilar kolleksiyasi bor ekaniga amin bo‘lish mumkin. Oq, moviy, qaymoqrang, qora printli va boshqa turli ko‘rinishdagi mazkur tuflilar qirolichaning kiyinishini yanada jozibador ko‘rsatadi. Gianvito Rossi, Jimmy Choo va Dior Raniyaning sevimli brendlari hisoblanadi.

Ayollarga xos ranglar

Foto: Getty Images

Och pushti yoki moviy rangdagi liboslar bilan qirolicha yanada muloyim ko‘rinadi. Umuman, kiyinish borasida u turli tendensiyalarga amal qiladi va bir xillikdan qochadi. Masalan, dushanba kuni yorqin jimjimali pushti, seshanba kuni jiddiy uslubdagi kamarli, chorshanbada esa milliy libos kiyishi mumkin.